ACTIVIDADES EXTRAESCOLARES CURSO 2015/2016

Presentámosvos a planificación das ACTIVIDADES EXTRAESCOLARES propostas pola ANPA DO CEIP PLURILINGÜE DO CORGO para este curso 2015/2016.

A realización de cada unha das actividades está condicionada á existencia dun número mínimo de nen@s inscritos.

As actividades comezarán a principios de outubro e rematarán ó final do curso escolar, coma tódolos anos.

Lugares de realización: as actividades de xadrez e teatro levaranse a cabo no CEIP, durante o recreo da tarde. As actividades de fútbol, baloncesto e patinaxe terán lugar no pavillón e no campo de fútbol, á saída do colexio, ás 16:00 horas, polo que os nenos poderán quedarse xa á saida e serán recollidos polos monitores que os levarán á actividade, só será necesario ir recollelos ao remate da actividade. As restantes actividades terán lugar no Centro Sociocultural, polo que haberá que levalos e recollelos ás horas acordadas. Ningún membro da ANPA acudirá á entrada e saída das actividades. A falta de puntualidade reiterada na recollida penalizarase coa expulsión da actividade.

Pago das actividades: O prezo varía segundo se sexa ou non socio da ANPA. A cota de socio é como tódolos anos, de 20 euros por familia. O ingreso da cota debe facerse na conta de ABANCA O CORGO ES44 2080 0156 4730 4000 7879. Para beneficiarse do prezo de socio nas actividades cómpre ter ingresado a cota antes do 31 de outubro de 2015. O ingreso da cota de socio implica que se ten o seguro de accidentes gratuito para tódalas actividades organizadas pola ANPA. Os non socios, previamente á asistencia de calquera actividade deberán ingresar o importe da súa póliza persoal que ascende a 12 euros anuais por alumno. Non se admitirá ningún nen@ que non teña aboado o importe do seguro ou ben sexa socio.

O pago das actividades non se farán en man, senón mediante transferencia bancaria ou ingreso á conta da ANPA e o cobro será trimestral. O ingreso haberá de realizarse no primeiro mes de cada trimestre (outubro, xaneiro e abril). Ao comenzo das actividades darase información detallada sobre como realizar o pago. A falta de pago durante o primeiro mes do trimestre dará lugar á expulsión da actividade.

Prazo de inscrición: ata o día 2 de outubro incluido entregando no colexio a folla de inscrición que levaron os nenos para a casa. As actividades comenzarán a próxima semana na súa maioría. A actividade de xadrez comenza xa este venres ás 14:00 horas no colexio.

Estas son as actividades que propoñemos:



Para calquera dúbida sobre as actividades podedes contactar con nos neste blog, no mail anpaceipocorgo@gmail.com, ou no teléfono 647956907. Esperamos que sexan do voso agrado.